مشكور ابو فارس على الموضوع وأحب بعد إذنك أعلق على فطور العالم الآخر 00 وبعدين أذكرلك فطورنا أيام الدراسة من المقصف المدرسي من الابتدائي حتى الثانوي 00
اخوي بالنسبة للسويد فطور مثالي وصحي إذا خلا من منتجات الخنزير أعزكم الله وأما فطور الكوريين واليابانيين والصينيين زي بعض بس الصينيين يحبون يثقلون شوي لأنها الوجبة الوحيدة قبل العشا لأنهم يعملون 12 ساعة يعني من 6 الى 6 وزي ما تعرفون الصين دولة منتجة يعني ديرة شغل وما عندهم وقت للغداء وتلقاهم يثقلون بالفطور شوي 00 عموما غذائهم صحي لخلوه من الدهون وأغلب غذائهم بحري يعني سمك ومحار وحبار وخلافه 00
وفطور ما لاوي مش بطال ( مد رجليك على قد لحافك ) والحقيقة غني بالبروتين يعني بقول في بقول .
وفطور الهنود هذا فطورهم وغداهم وعشاهم عبارة عن رز مسلوق مافيه ريحة الملح عشان عندهم الضغط دائما مرتفع ؟؟؟ يمكن ؟؟ مع الكزبره المطبوخه بالفلفل الحار وتلقاهم دائما ( هابين ريح ) نشيطين لان التوابل الحارة تنشط الدورة الدموية عندهم وما يهمهم البرد واول ما يجون الهنود للسعودية يخرب نظامهم الغذائي ويصابون بالبدانه ؟؟؟؟
اما الفرنسيين فهم عايشين على الوجبات الخفيفة وخاصة المقليات كالبطاطس مثلا والدجاج والخبز الفرنسي الفاخر وهم مدمنين قهوة يعني اتجه لشارع الايليزية وطلب وتخير على كيفك من المقاهي ؟؟ واكلهم مافيه دهون وزي ما تعرفون الفرنسيين اهتماماتهم دائماً بالعطور والروائح الزكية 00 وبالهم مهوب للأكل ؟؟؟؟
ونجي لموضوع الفسحة أيام الدراسة بالخفجي 00 ( سيرة وانفتحت ) 00
اخوي ابو فارس والاعضاء
في البداية بالتحديد كان في مدرسة عمورية عام 1401 أو 1402 تقريباً الفطور أو الفسحة كانت بالمقصف كان المقصف منظم وبالترتيب وكانت الفسحة عبارة عن خبز بالجبن وعصير ( بوم ) علبة لونها ازرق ويبدو لي انقطع الحين .. وكان اللي يبيع علينا فراش اسمه ابو شريده حساوي وبعدين جت وجبة وزارة المعارف كانت في علبة زرقاء وفيها علبة جبن وبسكوت وزبيب وما ادري وش الباقي وبعدين سنتين وانقطعت ورجعنا لابوشريده والمقصف ؟؟؟ ، وأما بمتوسطة هارون الرشيد كانت الفسحة بالمقصف اللي بآخر المدرسة من جهة الغرب عند التربية الفنية وكانت الفسحة أحيانا خبزه وحبتين جبن مثلث وفانتا واحيانا زعتر وكان اللي يبيعون بالمقصف طلبه وأحياناً احد العمال الهنود 00 ، وأما بثانوية الخفجي بالتحديد بصالة المقصف اللي بالدور الأرضي ووقت الفسحه عينك ما تشوف إلا الزحام والتزاحم علشان سندوتش فلافل قبل لا يخلص مع كاس ورق شاهي ينكب نصه مع الزحمه ويا حضه اللي يعرف اللي يبيع بالمقصف ( واسطه ) يخلي له سندوتش على جنب قبل لا يخلص 00 وبالنسبة لكاس الشاهي دائماً نحركه بالاقلام لان مافيه ملاعق 00 وتشوف الصالة من الازعاج وتبدأ السواليف احزاب وجماعات هذا اللي يشجع النصر وهذا اللي يشجع الهلال وشف التحدي وهذا يتكلم عن المبارة ( قضت الفسحة وما أفطر ويسولف عن المبارة راحت عليك ... ) وهذا يتكلم عن مباراة فريق الحارة الفلانية واذنك ما تسمع إلا موسوعة من السواليف إلى أن يدق جرس الفسحة معلناً نهاية يوم فسحة ويتساءل الطالب يا ترى وش بيجيبون لنا بكرا فلافل ولا خبز وجبن ؟؟؟؟ بس بعض الشباب ما يفوتهم بوفية ( ابو تفــ........ ) بشارع 25 وآسف على الإطالة وتحياتي للجميع
فسحة المدرسة في العالم..
.gif)
العرض العادي
